Tramunt

by Gian Fadri Caderas

[ 42 ]

Tramunt.

1882.

La not eira quaida e püra;
Sunaivan ils sains del clucher;
D'las stailas brillanta bgerrüra
Paraiva insembel favler.

Sdasdaivan in cour algordaunza
Dels dis della verda eted;
Dad uras d'leidezza e spraunza
Tres mort sepulidas in led.

[ 43 ]

Il cling dellas dudesch rimbomba;
L'an vegl dalla terra sparit;
L'an vegl ais crodo nella tomba,
Sco sömmi nel spazi svanit.